Во организација на Здружението Уфук, во Скопје беа доделени награди за „особен придонес“ на многу посебни имиња кои се вредности на турската заедница во Северна Македонија. Јавни личности, претставници на повеќе институции и на граѓанскиот сектор од турската заедница присуствуваа на церемонијата која се одржа во Скопје.
Претседателот Стево Пендаровски, кој преку видео конференција се вклучи на настанот рече дека Турците отсекогаш биле конструктивен елемент во нашата земја, а Северна Македонија е мултиетничка и повеќејазична и образованието на мајчин јазик е уставно право. Пендаровски истакна дека Здружението Уфук во најтешките периоди на нашата земја даде важен придонес за човековите права и демократијата и го поддржа процесот на евроатлантската интеграција на нашата земја.
Поздравувајќи ги присутните во својот говор, заменик министерот за политички систем и односи меѓу заедниците Џабир Доко ја изрази својата среќа што е сведок на ваков исклучително значаен настан за турската заедница и рече дека за него е привилегија да ја дели истата средина со доајените кои со децении успешно служеле нашата земја и турската заедница. Тој додаде дека Здружението Уфук едуцирал многу млади луѓе за овие 15 години и на повеќето истакнати и успешни личности од турската заедница во еден дел од кариерата патиштата им се вкрстило со здружението Уфук.
Личностите кои добија награда за особен придонес на турската заедница во Северна Македонија:
1. Бедија Беговска
2. Исмије Шабан
3. Проф. др. Ариф Аго
4. Ѓунер Исмаил
5. Дрита Карахасан
6. Хусеин Јусуф
7. Садетин Али
8. Ерол Ризаов
Настанот продолжи со музичкиот настап на Еран Шукри.
Енес Ибрахим е основач на Уфук, чии напори за основање започнаа во ноември 2008 година и го одржаа своето прво генерално собрание на 17 декември 2008 година. Здружението Уфук стана најголемата младинска организација во тој период и ја продолжи својата работа на полето на демократијата и човековите права. Го издаваше списанието Уфук, а објави и многу книги на македонски и турски јазик. Здружението Уфук е член на многу платформи и асоцијации во турскиот свет. Има реализирано многу активности за континуиран развој и подигање на свеста на младината. Здружението Уфук, кое во последниве години започна и програми за стипендирање на успешни студенти, оваа година ја прославува 15-годишнината од своето основање.
