Пишува: ЗОРАН ИВАНОВ
Во една реченица само флеш потсетување за клучните тридецениски лажливи инаети на ВМРО-ДПМНЕ кои, времето веќе потврди, се потсетување на македонските, нека се и изнудени и од немајкаде, победи наспроти партиските вмровски порази па еве по ред за реперите кои ги спореше, партијата, нели патриотска, а всушност…, но ајде по ред само за клучните: Македонија под ФИРОМ стана држава меѓународно прифатена и призната членка на ООН, со Рамковниот се извлече од распарчување, практично од укинување како држава, со Преспанскиот се пикна под сигурниот безбедносен чадор, со бугарскиот никаков, па сепак компромис, стапна на патеката на цивилизациските ЕУ вредности, со Рамката француска ли, европска ли, сеедно, си обезбеди бриселски медијатори во соочувањата со бугарските небулози и тоа е тоа, па сега судете кој во овие наши македонски судбински беспаќа е вистинскиот политички родољуб и патриот, а кој, всушност, е вистинскиот популистички партиски лажго и блефер.
