Новак Ѓоковиќ дојде до епска победа во пет сета против Италијанецот Лоренцо Музети на Отвореното првенство на Франција. Мечот заврши во 03:07 часот наутро по локално време во Париз.
Во натпреварот од третото коло на Ролан Гарос што започна дури во 22:37 часот во саботата, бранителот на титулата го доби Музети со 7-5; 6-7 ( 6-8); 2-6; 6-3; 6-0.
Се чинеше дека 37-годишниот Србин е на работ да излезе од турнирот во рацете на инспирираниот Музети 30-тиот носител.
Но, подмладениот Ѓоковиќ најде нова динамика на средината на четвртиот сет, повлекувајќи шест последователни брејкови.
Имаше на крајот од мечот срдечна разделба помеѓу Ѓоковиќ и Мусети, при што Ноле се придружи на публиката на Корт Филип Шатрие и му аплаудираше на својот 22-годишен противник во она што беше најдоцниот крај на меч во историјата на Отвореното првенство на Франција.
Победата за четири часа и 29 минути ја продолжи кандидатурата на светскиот рекет број еден за четврта круна на Отвореното првенство на Франција и тој во осминафиналето ќе игра со 23-от носител Франциско Серундоло од Аргентина.
„Ќе морам да ги вклучам моите млади гени за да закрепнам“, рече со насмевка Ѓоковиќ во интервју по мечот.
Ј. Ѓ.
