Ливерпул го победи Саутемптон со 3:2 на гостински терен во вчерашниот натпревар од 12. коло на Англиското фудбалско првенство.
Тимот предводен од тренерот Арне Слот освои 10 победи во првите 12 натпревари од сезоната. Слот го повтори постигнувањето на Гус Хидинк и Карло Анчелоти кои во различни периоди беа на чело на Челзи. Ова е рекорд за Премиер лигата.
Ливерпул останува лидер во поредокот со 31 бод. Водството на тимот од Мерсисајд пред Манчестер сити, кој го зазема второто место, се зголеми на осум бода.
Токму Ливерпул и Манчестер сити ќе се сретнат во следното, 13 коло, на 1 декември во 17 часот на „Енфилд“.
