Времето денеска ќе биде променливо облачно, наутро со услови за магла или ниска облачност по котлините. Од пладневните часови од запад ќе се прошират повремени врнежи од дожд, а на планините особено во западните делови врнежите ќе бидат од снег. Повремени врнежи ќе има и преку ноќта. Ќе дува слаб до умерен, а долж Повардарието повремено засилен ветер претежно од југоисточен правец.
Минималната температура ќе биде во интервал од -4 до 3, а максималната ќе достигне од 4 до 10 степени.
Во Скопје умерено до значително облачно од пладневните часови со услови за краткотарен дожд во делови од котлината.
Минималната температура ќе се спушти до -2, а максималната ќе достигне до 7 степени.
Според прогнозата на УХМР, од денеска во пладневните часови до ноќта кон понеделник времето ќе биде променливо облачно со повремени врнежи од дожд. На планините, а во недела и на некои од повисоките места особено во западните делови врнежите ќе бидат од снег. Особено во недела и понеделник во Повардарието ќе засилува северен ветер, а на почетокот на неделата утринските температури ќе бидат значително пониски.
