Договорот за прекин на огнот меѓу Турција и курдските сили поддржани од САД околу северниот сириски град Манбиџ е продолжен до крајот на оваа недела, соопшти портпаролот на американскиот Стејт департмент, Метју Милер.
Вашингтон посредуваше во првичниот договор за прекин на огнот откако избија борби додека бунтовничките групи напредуваа кон Дамаск и на крајот го соборија претседателот Башар ал Асад.
На својот редовен брифинг, портпаролот на Стејт департментот, Метју Милер рече дека САД остануваат ангажирани со Сириските демократски сили и Турција „на патот напред“. Според него, САД би сакале прекинот на огнот да трае што е можно подолго.
