Трансатлантските односи се од најголема важност за Германија и Европа, изјави германскиот канцелар Олаф Шолц.
„НАТО е гарант за нашата безбедност. Затоа ни се потребни стабилни односи со САД“, изјави Шолц за Рајнише пост.
Шолц ја даде изјавата неколку часа пред инаугурацијата на новиот американски претседател Доналд Трамп.
Германскиот канцелар исто така рече дека Европската унија може да ја зајакне сопствената сила.
„Како заедница од повеќе од 400 милиони Европејци, имаме економска тежина“, додаде Шолц.
Тој рече дека веќе двапати разговарал со Трамп по телефон, но не кажа детали.
