Речиси две години по разводот со Кевин Костнер, дизајнерката Кристин Баумгартнер се сврши со Џош Конор – финансиер и поранешен пријател на славниот глумец, пишува „Пипл“ (People).
Според западните медиуми, парот се свршил на 26 јануари за време на интимна вечера на празна плажа во Калифорнија.
Баумгартнер и Костнер го завршија својот брак во мај 2023. – по 20 години брак, а таа почна врска со Конор истата година. Пред 11 месеци ставија крај и на долгиот, бурен процес по разводот, при што на крајот, Кристин добила месечна алиментација од нешто повеќе од 60.000 долари.
Според пишувањата тогаш, Костнер и порано се сомневал во нејзино неверство со Конор. „Оскаровецот“ призна дека разводот му бил исклучително тежок, но имал силна поддршка од своите деца.
