Агенцијата на Обединетите нации за помош на палестинските бегалци на Блискиот Исток (УНРВА) соопшти дека не е во можност да дистрибуира основни залихи со храна во Појасот Газа поради тековната израелска блокада на хуманитарната помош за Газа.
„Хуманитарната помош и залихите не влегле во Појасот Газа повеќе од 50 дена… кога израелските власти воведоа опсада“, се вели во соопштението објавено од агенцијата.
„Како резултат на тоа, критичните хуманитарни залихи, вклучувајќи храна, гориво, медицинска помош и вакцини за деца, брзо се исцрпуваат“, се наведува во соопштението.
Од Агенцијата посочуваат дека нејзините залихи со брашно се потрошени и дека остануваат само 250 пакети со храна – кои содржат ориз, леќа, грав, масло, сол, шеќер, млеко во прав, хумус, алва и конзервирана риба – наменети да ги задоволат потребите на семејство од пет члена за две недели.
Генералниот комесар на УНРВА, Филипе Лазарини, пред три дена изјави дека речиси 3.000 камиони се подготвени да достават критична хуманитарна помош во Газа. Сепак, израелската војска ги блокира сите пратки со стока во регионот од 2 март, според УНРВА.
Светската програма за храна објави дека цените на храната скокнале до 700 отсто споредено со пред војната во Газа.
