Министерот за внатрешни работи, Панче Тошковски, изрази сомнеж дека протестот на родителите на загинатите деца од трагедијата во Кочани, кој се одржа пред Собранието токму на денот кога се расправаше за интерпелацијата за неговата работа, бил случајност. Тој во гостување на телевизијата „Алфа“ изјави дека протестот бил организиран од страна на опозицијата, иако не прецизираше кој точно стои зад тоа, пренесува Слободен печат.
„Се срамам што сум дел од општество во кое опозицијата сака да профитира од болката на родители кои изгубиле дете, само за да добие лајкови на Фејсбук“, рече Тошковски.
Тој додаде дека јавноста јасно видела што се случува, и посочи дека некои од присутните на протестот дури и не знаеле дека се расправа за неговата интерпелација. Според него, имало списоци и однапред подготвени прашања кај одредени учесници, што за него е доказ за организираноста на настанот.
„Јасно е сето она коешто го направија. Па, гледаат луѓето. Секој еден Македонец кој што го следеше оној денот со интерпелацијат Што сакаат, да веруваат дека не случајно ги организираа луѓето да дојдат на денот на интерпелацијата, а дел од тие луѓе не знаеа дека има интерпелација за министер за внатрешни работи? Не случајно имаше списоци кај одредени луѓе коишто поставуваа одредени прашања, кои беа пишани како што беа пишани. Јас не знам каде ќе им оди душата на овие… ништо не можам да кажам друго освен политички лешинари, со овие дејства кои очигледно ги преземаа?“, рече Тошковски.
