Фицо побара одложување на новиот пакет санкции кон Русија заради стравувања поврзани со енергетиката

Словачка нема да поддржи нов пакет санкции на Европската Унија против Русија и ќе побара одложување на гласањето додека не се разгледаат загриженостите на оваа земја за снабдувањето со гас по 2027 година, изјави словачкиот премиер Роберт Фицо, пренесоа британските медиуми.

Фицо го повтори својот став дека плановите за прекин на увозот на руски гас од 2028 година претставуваат закана од недостиг на снабдување и зголемување на цените, како и потенцијални загуби од арбитража поради прекршување на долгорочен договор со рускиот снабдувач Газпром.