Европската комисија и натаму останува на предлогот од 2018 за укинување на сезонската промена на времето, но засега нема напредок по ова прашање, изјави денеска портпаролката на ЕК, Ана-Кајза Итконен.
– Веруваме дека се уште постои можност да се најде усогласено решение за ова. Тоа е нешто за кое земјите членки мора да се согласат и да се координираат меѓу себе. Свесни дека од 2019 година нема вистински напредок по овој предлог, но сме подготвени да поддржиме донесување на каква била одлука околу тоа прашање, рече Итконен.
Таа додаде дека Европската комисија спровела повеќе студии за ефектите од менување на времето и е подготвена да обезбеди помош и поддршка за прифаќње на овој предлог.
– Но, сега топката е на теренот на земјите членки и само од нив зависи дали ќе најдат заеднички став за ова. А до следниот клучен момент, секако, овој викенд одново ќе го смениме времето на часовниците, додаде Итконен.
