Актуелната шампионка на Ролан Гарос Американката Коко Гоф е елиминирана во првото коло на Вимблдон. За изненадувањето се погрижи 25-годишната Украинка Дајана Јастремска, која со 2:0 во сетови (7:6(3) и 6:1) ја совлада втората светска тенисерка.
Во првиот сет двете тенисерки имаа по еден брејк. Јастремска поведе со 5:2 во гемови, но Гоф изедначи на 5:5 и сетот беше решен во тај брејкот. Во вториот сет тенисерката од Украина веднаш на стартот направи брејк, а до крајот на сетот во уште два наврати го одзема гемот на сервис на ривалката.
Во второто коло противничка на Јастремска ќе и биде квалификантката Анастасија Захарова.
Третиот носител на годинашниов Грен слем турнир Вимблдон Александар Зеверев од Германија е елиминиран во првото коло по поразот од Французинот Артур Риндеркнеш со 3:2 во сетови.
Вчера првиот светки играч Јаник Синер рутински го доби „италијанскиот дуел“ проти сонародикот Лука Нарди со 3:0 во сетови.
Седумкратниот победник на Вимблдон, Новак Ѓоковиќ, не дозволи неговиот дуел против Александар Муле да влезе во нов ден и пред полноќ успеа да го скрши отпорот на Французинот, совладувајќи го со 3-1 во сетови (6-1, 6-7 (7), 6-2, 6-2).
Шестиот тенисер во светот до победата на централниот терен на „Ол Ингланд Клуб“ дојде по три часа и 20 минути игра.
Противник на Ѓоковиќ во 2. коло ќе биде домашниот тенисер Даниел Еванс.
Британецот го почна настапот на Вимблдон како 154 рангиран на АТП листата.
