Од почетокот на ова година во Иран се егзекутирани најмалку 841 лице, соопштија вчера Обединетите нации, повикувајќи го Техеран да воведе мораториум на смртната казна.
-Само во јули иранските власти егзекутираа 110 лица, изјави Равина Шамдасани, портпаролка на Високиот комесар на ОН за човекови права.
„Тоа е повеќе од двојно повеќе од бројот на егзекуции во јули минатата година и следува по значителното зголемување на егзекуциите во првата половина од 2025 година“, додаде таа.
Во Иран лани без егзекутирани најмалку 975 лица.
Шамдасани истакна дека „големиот број егзекуции“ одразува „систематски модел на користење на смртната казна како средство за државно заплашување, со непропорционално насочени егзекуции на членови на етнички малцинства и мигранти“.
Канцеларијата на Високиот комесар за човекови права го повика Иран да ги суспендира егзекуциите „како чекор кон нивно укинување“, рече портпаролката.
Иранските власти ги засилија мерките против дисидентите по израелските напади во јуни, а иранските медиуми објавија серија егзекуции поврзани со обвинувања за шпионажа за Израел.
