Во голема рација на имиграциската полиција во фабрика на Хјундаи во американската држава Џорџија приведени се 475 имигранти за кои се сомневаат дека живеат и работат нелегално во САД, изјави за Си-Би-Ес Њуз висок функционер од Министерството за внатрешна безбедност.
Цел на рацијата беше еден од најголемите и најзначајните производствени погони во Џорџија, кој гувернерот и други функционери го нарекоа најголемиот проект за економски развој во историјата на државата.
Hyundai Motor Group, јужнокорејска компанија, започна со производство на електрични возила пред една година во фабрика вредна 7,6 милијарди долари, која вработува околу 1.200 луѓе. Привремено е запрена изградбата на фабрика што се гради за производство на батерии за електрични возила.
Министерството за внатрешна безбедност во соопштението нагласи дека агентите го извршиле налогот за претрес „како дел од тековната кривична истрага за наводи за нелегални практики за вработување и други сериозни федерални прекршувања“.
Министерството за надворешни работи на Јужна Кореја во соопштението соопшти дека испраќа службеници на местото на настанот и ја повика амбасадата на САД во Сеул „да биде исклучително претпазлива за да се осигури дека нема да бидат прекршени легитимните права и интереси на корејските граѓани“.
