Канцеларијата на израелскиот премиер Бенјамин Нетанјаху денеска го поздрави мировниот план на американскиот претседател Доналд Трамп за Појасот Газа, откако Советот за безбедност на ОН усвои резолуција со која се поддржува планот на Трамп.
„Веруваме дека планот на претседателот Трамп ќе донесе мир и просперитет бидејќи нагласува целосна демилитаризација, разоружување и дерадикализација на Газа“, соопшти кабинетот на премиерот.
-Израел им подава рака на мир и просперитет на сите свои соседи и ги повикува да ги нормализираат односите со Државата Израел и да се приклучат на нејзините напори за протерување на Хамас и неговите поддржувачи од регионот, се вели во соопштението.
