пишува БРАНИСЛАВ ЃОРЃЕВСКИ
Денеска е понеделник, измина викендот, изминаа околу 48 часа откако лидерот на ВМРО-ДПМНЕ театрално пред владата, пред мал број негови приврзаници најави дека имал некакви информации дека за време на викендот во Софија се распарчувала Македонија.
Денеска е понеделник, нашата татковина е целосна, не е распарчена како што апокалиптично најавуваше Мицкоски. Нашиот јазик е македонски, а македонски ни е и идентитетот.
Црните прогнози на Мицкоски, на негова жал, а на радост на сите останати не се остварија. Македонија не е распрачена, но распарчена е деструктивноста на Мицкоски и ВМРО-ДПМНЕ.
Ако е барем малку одговорен политичар, ако барем малку се грижи за државните и национални интереси, Мицкоски денеска треба да излезе пред јавноста, да и се извини за грубите лаги што ги изрече во саботата, а потоа достоинствено да се повлече од политиката.
Но пред тоа, треба јавно да каже кој му бил изворот, од каде добил такви информации кои без око да му трепне ги сподели на јавен собир.
Да се биде лидер на политичка партија значи и да се одмеруваат јавно искажаните зборови. Таа лекција Мицкоски освен што не сака да ја научи туку постојано го прави спротивното. Пласира конструкции, невистини и лажни вести за потоа да се крие во белиот дворец, зад опскурни соопштенија од неговата партија.
Тоа не доликува ниту на претседател на општински огранок, а не пак на претседател на опозициска партија.
За сето време додека го предводи ВМРО-ДПМНЕ, Мицкоски ниту еднаш не застана на страната на интересите на граѓаните и државата. Напротив, правеше и прави се за да наштети на сопствената држава, на сопствениот народ.
Ако е од Мицкоски и премногу е, време е е политиката да ја замени со катедрата на Машински факултет, затоа што тоа најверојатно е единственото место каде не може да шири лажни вести и дезинформации.
