Иран како неодговорни ги отфрли француските коментари дека официјален Париз сериозно размислува за активирање на механизмот во рамки на нуклеарниот договор што може да доведе до санкции на Обединетите нации, изјави денеска портпаролот на иранското Министерство за надворешни работи Абас Мусави, јави иранската државна телевизија, пренесе МИА.
-Иранското намалување на нуклеарните обврски е спроведување на неговите законски права да реагира на американското илегално и едностарно излегување од договорот и неисполнувањето на обврските од страна на европските земји, рече Мусави, пренесоа британските медиуми.
„Во овие околности, договорот не дозволува активирање на механизмот од страна на европските држави, а таквите забелешки на француските официјални претставници се неодговорни и неконструктивни, истакна портпаролот на иранското МНР.
