Комисијата при Министерството за здравство констатира дека фирмата „Пхарма ЕУ ЛЛЦ“ од Битола со нејзината истоимена подружница од Прилеп, на која на вчерашната владина седнициа и беше укинато Решението за давање на одобрение за одгледување на канабис за медицински цели, работи спортивно на Законот за контрола на опојни дроги и супстанци, информира на денешната прес-конференција портпаролот на Владата, Душко Арсовски.
Според него, компанијата не обезбедувала функционален 24-часовен видео мониторинг во сите простории каде што се одгледувал канабисот и не вршела пакување и обележување на исушениот цвет согласно Законот.
– Оваа комапнија извршила процес на мелење на сувиот цвет, кој не е соодветно пакувани и обележан, и оттаму е недостигот од 531,91 килограми на пријавен сув цвет по сите документи поднесени до Министерството за здравство и пронајдени на лице место во ова правно лице, доаде Арсовски.
Според него, сето ова, укажува на сторено казнено дело согласно Законот, а дополнитело компанијата не ги исполнувала ниту пропишаните услови на предвидена опрема и кадар, врз основа на кои се издаваат лиценците за работа.
Владата на вчерашната седница на предлог на Министерството за здравство ги разгледа и усвои Информацијата за укинување на Решението за давање на одобрение за одгледување на канабис за медицински цели на Друштвото за производство, трговија и услуги „Пхарма ЕУ ЛЛЦ“, увоз-извоз, ДООЕЛ Битола – Подружница „Пхарма ЕУ ЛЛЦ“- Прилеп и беше решено да престане важењето на одлуката за давање согласност на Решенијата за издавање одобрение за одгледување на канабис за медицински цели на оваа компанија.
извор: МИА
