До 2020, поголем број на жени и мажи имаат можност да ја подобрат својата егзистенција преку обезбедено пристојно и одржливо вработување во поконкурентна економија со многу работни места, се вели во извештајот на Обединетите нации за остварените резултати на Република Севрна Македонија во 2020 година.
-Недоволниот економски раст, високите стапки на невработеност и приходната сиромаштија беа идентификувани како главни развојни предизвици, и тие беа меѓу највисоките приоритети на Владата во периодот кога се формулираше ПОР. Активностите што беа преземени меѓу 2016-2020 год. дадоа забележителни резултати, со пад на стапката на невработеност од 40% , односно, од 26,1% во 2015 год. на 16,1% во Т-4 во 2020 год, се вели во извештајот.
Според извештајот на ОН беа насочени активни мерки на пазарот на трудот и програми за развој на вештини. ОН, исто така ги градеа и капацитетите на националните институции и социјалните партнери за подобрување на деловниот екосистем преку целисходен социјален дијалог, ефективни иницијативи за само- вработување, зголемена конкурентност на приватниот сектор и поддршка за иновациите.
-Преку Програмата за работа во заедниците, ОН промовираа вработување за ранливите лица (особено, за невработените жени) како даватели на социјални услуги на ранливите групи, и тоа главно на постари лица, деца на предучилишна возраст и лица со попреченост, како и подобрување на вештините за вработување и стимулативни мерки за вработување на Роми и лица со попреченост. Отворени се 6.298 работни места со полно работно време (38% жени), основани се 5483 нови компании (околу 13% од сите компании отворени во земјата, 36% во сопственост на млади луѓе), над 50.000 лица беа вклучени во различни обуки или други програми за поддршка на вработувањето; и над 56.605 лица со потреби добија социјални услуги преку интервенциите со програмите во периодот од 2016-2020 год, се вели во извештајот.
Во 2019 година, Министерството за земјоделство, шумарство и водостопанство започна нова мерка насочена кон давање финансиска поддршка на жени- земјоделски производители за подобрување на нивната економска состојба. Оваа промена на политиката беше заедничка заложба на UN Women, Министерството за земјоделство, шумарство и водостопанство и Работната група за родова еднаквост.
Д. Е.
