Стадионот е комплетно сработен, а претходно беше руина оставена од режимот, истакна кандидатот за градоначалник на СДСМ за Прилеп, Горан Сугарески на дебатата на ТВ24. Тој потсети дека сега стадионот е комплетно направен и таму сите прилепчани ќе имаат прилика да ги проследат натпреварите на ФК Победа.
-Сите како да сакаат и да заборават на новиот спортско-рекреативен центар на вештачкото езеро, до каде е направена и патната инфраструктура. Тоа е одлично место за рекреација како за младите, така и за возрасните, нагласи Сугарески.
Кандидатот на СДСМ дополни дека во моментов се води постапка и за преземањето на Универзалната сала од страна на општината, што укажува на фактот дека се вложува во спортот и младината.
Сугарески исто така кажа дека жали што граѓаните на Прилеп немале прилика на дебата да го чујат противкандидатот од ВМРО-ДПМНЕ.
Реализиравме крупни проекти и покрај пандемијата, но ќе продолжам да работам за зелената агенда и решавањето на депонијата во Прилеп
Главниот мотив на мојата кандидатура е љубовта кон Прилеп и сметам дека со целото мое искуство кое што го имам во изминатиот период и знаење коишто сум ги стекнал дополнително во законодавната и извршната власт, можам целосно да ги преточам во општината, Тој кажа дека со искуството, политичкото знаење и помошта од страна на централната власт ќе придонесе Прилеп биде подобро место за живеење.
-Голем дел на проектите изминатиов период и покрај година и половина ковид криза беа во овој град реализирани. Во овие четири години генерални исчекори имаме направено, истакна Сугарески.
Кандидатот на СДСМ нагласи дека ќе работи на подигање на свеста за еколошката средина и надминување на предизвиците со депониите.
-Со поагресивна кампања ќе ја постигнеме целта. Во делот на подигањето на сметот и депонијата ќе се заложам, а исто така и за зголемување на зеленилото и површината на парковите, како што сега се прави во населбата Точила, истакна Сугарески.
Според него, треба да се постави жичана ограда кај депонијата, која противниците од ВМРО-ДПМНЕ континуирано ја искористувале во кампањата, но не решиле ништо.
Тој дополни дека во моментов се води постапка и за преземањето на Универзалната сала од страна на општината, што укажува на фактот дека се вложува во спортот и младината.
-Сите како да сакаат и да заборават на новиот спортско-рекреативен центар на вештачкото езеро, до каде е направена и патната инфраструктура. Тоа е одлично место за рекреација како за младите, така и за возрасните, нагласи Сугарески.
Ќе ставиме акцент на инфраструктурата во Прилеп и ќе ги изградиме влезовите во градот
Во мојата Програма јасно и прецизно наведени се проектите кои треба да бидат во наредниот четиригодишен период реализирани и тука пред се мислам на урбанистичкиот дел. Тој кажа дека инфраструктурата на градот ќе биде приоритет, но исто така и можностите за развој на младите и спортот.
-Прво треба да имаме предвид дека во 2023-та година истекува десетгодишниот генерален Урбанистички план и треба нов да се направи и тука е планирано да направиме поголем тип на градежен опфат, се со цел да им се овозможи на инвеститорите во наредниот период да реализираат поголем број на проекти и оние замисли коишто ги имаат и компаниите и граѓаните, кажа Сугарески.
Тој додаде дека влезовите на градот треба да бидат огледало на градот.
-Согласно проектот на Светска банка којшто го работевме во Министерството за транспорт и верски за локални патишта и улици веќе се обезбедени средства и веќе од наредната година едниот излез на градот, кон крушевско ќе се гради и обезбедени се средства, а проектот е во Министерството. Тоа значи дека очекуваме до крај на година да биде тендериран и од наредната година со државни средства, значи без пари на општината, еден од влезовите да биде изграден, рече Сугарески.
Тој кажа дека влезот кон Скопје исто така ќе се гради со булеварски решенија, а дополнително изградбата на плоштадот ќе се продолжи до новата Автобуска станица.
