„Новата влада е составена од нови имиња, но задржани се и старите кои со своето искуство ќе придонесат за реализација на политиките. Досега покажавме дека знаеме да работиме, а токму спојот на новите и старите имиња значи дека новата енергија ќе соработува со искуството и ќе ги оствариме стратешките цели“ кажа пратеничката од СДСМ и предлог кандидатка за министерка за култура, Бисера Костадиновска Стојчевска со емисијата „200“ на Алсат М.
Таа додаде дека предложите нови имиња за владата се докажани професионалци од своето поле и ќе дадат свој придонес во државата.
„Оваа нова влада е продолжение на успешните политики, кои ќе продолжат со дел нови, дел стари лица“ кажа Костадиновска Стојчевска.
Таа додаде дека заедничка точка која ги врзува сите политички партии во владејачкото мнозинство е напредокот на државата и интеграција во ЕУ.
„Различните ставови може да придонесат за збогатување на демократија и разноликост на проектите кои ќе се работат. На тоа не гледам како пречка, туку како предност дека партиите седнале и одлучиле да продолжат напред за доборото на државата, а не за партиските интереси“ кажа Костадиновска Стојчевска.
„Жалам што опозицијата можеби очекува згради, споменици и неконструктивно трошење, но човечкиот капитал и работните места, зголемувањето на платите беше приоритет и на претходниот состав на влада и тоа останува да биде приоритет и на новата предлог влада“ кажа пратеничката од СДСМ и предлог кандидатка за министерка за култура, Бисера Костадиновска Стојчевска со емисијата „200“ на Алсат М.
Таа додаде дека после 11 години власт на ВМРО-ДПМНЕ на централно ниво, Владата предводена од СДСМ успеа да покаже дека македонската економија има пари за раст на платите, доклку тие не се трошат непродуктивно.
Како приоритет на новата влада, Костадиновска Стојчевска го издвои справувањето со енергетската криза, со која се соочува целиот свет.
„Во буџетот за 2022 година има издвоени средства за справување со енергетската криза, а се прават напори и за обезбедување на нови средства. Цел свет ја чувствува кризата со коронавирусот, инфлацијата и енергетската криза. Сметам дека ние одговараме соодветно, со државните ресурси и средства кои ни се на располагање“ кажа Костадиновска Стојчевска.
