Ги имаме сите предуслови да покажеме дека работната група е моторот што ќе го искористи политичкиот импулс и ќе ги придвижи нашите билатерални односи во вистински правец и со уште поголема брзина. Ова го истакна вицепремиерот и министер за регионален развој и јавни работи Гроздан Караџов на отворањето на вториот состанок на меѓуресорската работна група за соработка со Република Северна Македонија (РСМ) во областа на инфраструктурата, транспортот и поврзувањето.
Средбата се одржува во зградата на Министерството за регионален развој и јавни работи.
Караџов посочи дека на 25 јануари е поставена нова етапа во односите меѓу двете земји.
-Долго очекуваниот развој на нашите заеднички приоритети станува возможен со работата на четирите тематски групи, од кои едната е нашата, рече министерот.
Имаме големи очекувања дека ќе постигнеме практични резултати и тоа не е случајно – од една страна затоа што за првпат имаме јасен политички консензус за многу поинтензивен дијалог, а од друга страна економските загуби од нереализирана инфраструктура проектите веќе прават проблеми од двете страни на границата, додаде министерот.
Тој посочи дека комисијата има можност да биде корисна за луѓето преку олеснување на патувањето, поврзување на бизнисите и соодветно одговарање на предизвиците на енергетските системи.
Покрај овие теми, комисијата ќе расправа и за новата програма за прекугранична соработка, која предвидува повеќе од 31 милион евра, рече министерот, истакнувајќи дека сумата е двојно поголема од претходниот програмски период.
-Мислам дека сме должни да постигнеме најмалку двојно повисоки резултати, изјави Караџов.
Извор: МИА
