Во Собранието продолжува дискусијата за Предлог Законот за наставници и стручни соработници во основното и средното образование. Ова законско решение предвидува зголемување на платите на сите наставници и стручни соработници во основното и средното образование со раст на минималната плата, информираат од СДСМ.
Овој Закон предвидува сигурно и квалитетно решение за работниот однос на над 4.700 наставници кои работат со години, а не можат да го трансферираат работниот однос, бидејќи предаваат во повеќе училишта или предаваат изборни предмети, пишува во соопштението.
Со законот покажуваме дека соодветно го вреднуваме трудот на наставниците и стручните соработници кои предаваат во комбинирани паралелки, во паралелки со деца со попреченост или имаат дополнителни задолженија. Цела година пратениците од ВМРО-ДПМНЕ го блокираа Законот и работеа на штета на наставниците кои поради ваквиот нечесен и неодговорен однос цела година земаат пониски плати, велат од СДСМ.
Со оглед на тоа дека пратениците од ВМРО-ДПМНЕ такво решение доставија во собраниска процедура, со што признаа дека се работи за добар закон, треба да престанат со блокадите, да бидат конструктивни и конечно да почнат да работат во интерес на граѓаните, пишува во патиското соопштение.
