Денеска започнува дијалогот на Владата предводена од СДСМ со сите засегнати страни за ново зголемување на пензиите, информираат од СДСМ.
Покрај редовното законско усогласување на пензиите кое се спроведува два пати годишно, оваа година ќе следува и дополнителна финансиска помош за околу 330.000 пензионери, а начинот на реализација на оваа мерка ќе се донесе низ отворен и инклузивен процес на преговори, со цел да се најде најдоброто и најефикасно решение, пишува во соопштението.
Пензискиот фонд е стабилен и може да реализира ново покачување на пензиите. Новата методологија која ќе се изработи низ овој дијалог ќе обезбеди одржлив и континуиран раст на пензиите. Заштита и унапредување на животниот стандард на сите граѓани е врвен приоритет на СДСМ. Продолжуваме со реализација на мерки и политики што обезбедуваат повеќе пари во семејните буџети, пишува во партиското соопштение.
