Уште дваесет и пет американски државјани се ставени на црната листа на Русија, соопшти руското Министерство за надворешни работи, пренесува МИА.
Актерите Шон Пен и Бен Стилер се на листата политички, културни и деловни личности, на кои им е забранет влез во Русија.
Пен и Стилер беа гласни во нивната поддршка за Украина и беа добро прифатени од украинскиот претседател Володимир Зеленски.
На црната листа на актерите им се придружуваат неколку конгресмени и извршни директори.
Највисокорангираниот политичар во неодамнешното ажурирање на руската „црна листа“ е секретарката за трговија на САД, Џина Раимондо. Претседателот Џо Бајден беше ставен на листата уште во март.
