„Професорот“ е документарен филм за универзалниот уметнички и хуманистички подвиг на еден локален херој. Истражување на несекојдневниот животен пат на Илија Џаџев- музичар, виртуоз на хавајска и класична гитара, писател, професор по географија. Приказна за потрагата по еден роман во ракопис. Приказна за авантурата на една хавајска гитара.
Овој човек-феномен отсвирел над 6000 бесплатни концерти ширум светот, не правејќи разлика дали свири пред луѓе што се од врвот или на дното.
Свирел пред претседатели, просјаци, рудари, деца во градинка, студенти во менза, работници во поле, заменувајќи ги концертните сали со родилишта, гробишта, пензионерски домови, рударски окна, патнички и воени бродови, караули, затвори, психијатриски болници, како и плоштадите на поголемите светски метрополи, поминувајќи преку четири милиони километри со својата гитара.
Сценарио и режија: Јордан Дуков. Продуцент: Љубиша Арсиќ. Директор на фотографија: Доријан Миловановиќ, Кристијан Караџовски
Музика: Илија Џаџев
Продукција: КАДАР, МАШИНА ПРОДУКЦИЈА
Поддржано од: Агенција за филм на Република Северна Македонија, МРТ, Општина Гевгелија
Ј. Ѓ.
