Финската влада денеска предложи да се изгради ограда долж делови од границата на Финска со Русија за 139 милиони евра, исполнувајќи го ветувањето дадено по руската инвазија на Украина во февруари.
Финска, која аплицираше за членство во НАТО, има историја на војување со Русија, но 1.300 километри долгата граница покриена со шуми меѓу двете земји сè уште е главно обележана со знаци и пластични ознаки.
Финска во јуни соопшти дека ќе крене ограда долж делови од границата со Русија за да ја зголеми подготвеноста за хибридните закани, како што е потенцијалниот масовен прилив на мигранти.
Финската гранична стража соопшти дека планира да изгради огради од 130 до 260 километри, покривајќи 10 до 20 отсто од границата, фокусирајќи се првенствено на граничните премини и околните области во југоисточниот дел на земјата.
Финската влада на левиот центар се соочува со избори на почетокот на следната година.
