Стејт департментот синоќа одобри Полска да купи американски систем за противвоздушна одбрана Патриот за 15 милијарди долари.
Американската Агенција за одбранбена соработка (ДСЦА) објави дека продажбата вклучува до 48 лансери Патриот ПАЦ-3, 644 проектили, како и радари.
Продажбата ќе ги подобри одбранбените способности на Полска во противракетната одбрана и ќе придонесе за целите на Полска да ги обнови своите способности и да ја зголеми интероперабилноста со САД и другите сојузници, соопшти ДСЦА.
Системот Патриот се покажа како многу ефикасен во Украина, заштитувајќи ја нејзината територија од руски воздушни напади, вклучувајќи тактички балистички ракети и хиперсонични ракети.
