Мексиканските власти спасија 31 мигрант, меѓу кои и жени и деца, кои беа киднапирани во текот на викендот во северната мексиканска држава Тамаулипас, соопштија локалните власти.
Претседателскиот портпарол, Хесус Рамирез го потврди спасувањето на социјалната мрежа „Х“, истакнувајќи дека мигрантите се преземени од властите и веќе поминуваат на соодветни медицински прегледи.
Gracias al esfuerzo coordinado del gobierno de Tamaulipas, la FGE, Sedena, Guardia Nacional y la SSPYC se logró rescatar los 31 migrantes que fueron secuestrados el 30 de diciembre en 2023. Ya están en manos de las autoridades y se les hace la revisión médica correspondiente. pic.twitter.com/Z40csW1lQk
— Jesús Ramírez Cuevas (@JesusRCuevas) January 3, 2024
-Мигрантите се безбедни и здрави, напиша министерката за внатрешни работи, Луиза Алкалде на „X“.
Вооружени напаѓачи во саботата киднапираа мигранти од автобус на автопат во општината Рејноса, во близина на границата на Мексико со САД. Автобусот се упатил кон градот Матаморос, кој се наоѓа спроти Браунсвил, Тексас.
Мексиканската министерка за безбедност Роса Исела Родригез претходно вчера изјави дека киднапираните мигранти се од Венецуела, Еквадор, Колумбија, Хондурас и Мексико.
Поврзано:
Вооружени напаѓачи киднапираа автобус со 31 мигрант во северно Мексико
