Во Мексико повторно се најавува одржување борби со бикови на најголемата корида-арена во светот – првпат по укинувањето на судската забрана.
Претстојните борби со бикови се рекламираат и промовираат и на интернет. Познатата „Фиеста брава“, како што се нарекува борбата со бикови на шпански јазик, ќе се врати на арената „Плаза Мехико“ во главниот град Мексико Сити, почнувајќи од 28 јануари, по пауза од речиси 600 дена, соопштија синоќа организаторите.
Противниците на борбите со бикови се против измачувањето и убивањето на биковите во рингот.
Активистите за права на животните во јуни 2022 година успеаја да издејствуваат пред Судот прекин на борбите со бикови во главниот град на Мексико. Сепак, тоа беше привремено, бидејќи Врховниот суд ја укина првичната забрана.
„Плаза Мехико“ има повеќе од 41.000 седишта. За споредба, светски познатата арена „Лас Вентас“ во Мадрид, Шпанија има капацитет за нешто помалку од 24.000 гледачи.
