Дијагнозата рак секогаш е проследена со голема вознемиреност, но повеќето од нас во таква позиција не се чувствуваат принудени да направат снимка што ќе ја гледаат милиони.
Принцезата од Велс и нејзиното семејство побараа приватност, но наместо тоа, еден убав пролетен ден, директно обраќајќи ѝ се на камерата, сведочевме на изјавата на принцезата дека мора да се помири со шокантните вести.
Со недели кружеа тврдења дека пи-ар стратегијата на Кенсингтонската палата пропаѓа, бидејќи онлајн гласините станаа вирални, а потоа медиумите ширум светот изнесуваа теории на заговор без докази.
Фотошопираната фотографија објавена на Денот на мајката, која требаше да ги смири заговорите, подгреа многу други.
Но, додека принцезата и нејзиното семејство се соочуваат со сè она што им претстои, во јавноста постои гнев поради она што некои го сметаат за малтретирање на принцезата, со сугестија дека таа била принудена да го сними видеото, наместо повообичаениот пат на писмена изјава.
Сер Крег Оливер, поранешен директор за комуникации на Даунинг стрит рекол: „Скриениот поттекст од изјавата на принцезата од Велс е „размислете пред да се препуштите на штетни шпекулации“.
Со недели слушаме критики дека Палатата го изгубила наративот, дека кралскиот бренд претрпел удари. Очигледно е тешко да се менаџираат барањата на нацијата и барањата на семејството.
Нејзиното видео донесоа пофалби од оние кои разбираат како функционира пи-арот на палатата.
Поранешниот уредник на Sun, Стјуарт Хигинс, кој исто така е болен од рак, ја поздрави „огромната храброст, достоинство и смиреноста на Кетрин да се соочи со камерата“ наместо да дозволи Кенсингтонската палата да издаде порака во нејзино име.
Откривањето дијагноза на рак е „многу лична одлука и само таа и нејзиното најблиско семејство можат да донесат толку голема одлука да излезат во јавноста со таква здравствена бомба“, рече тој.
Г-дин Хигинс рече дека не верува дека медиумскиот бес околу Кетрин ја натерал да ја открие својата дијагноза, туку само одразува „голема грижа, љубов и почит кон жената која ќе биде нашата идна кралица“.
„Мислам дека сите треба да и посакаме добро и со нетрпение очекуваме да ја видиме кога ќе се почувствува подготвена да не види“, рече тој.
Заклучокот е дека Палатата успеа да ја врати контролата. Видеото на принцезата од Велс предизвика огромен излив на љубов и сочувство низ целата земја и пошироко.
Извор: Би-Би-Си
М. Пешевска
