Заврши една од најуспешните епохи во историјата на Ливерпул, ерата на Јирген Клоп, а трофејниот тренер на свој карактеристичен начин го најави следниот тренер Арне Слот.
Натпреварот заврши со победа на Ливерпул против Волвс, победа на домашните во последниот меч на Јирген Клоп на клупата, а потоа германскиот стручњак го зеде микрофонот и ги изненади навивачите.
Клоп им се обрати на навивачите, а потоа му запеа на Арне Слот, следниот тренер на Ливерпул и на тој начин му покажа поддршка.
ARNE SLOT NA NA NA NA NA pic.twitter.com/bmqNTSvZUX
— The Anfield Talk (@TheAnfieldTalk) May 19, 2024
Емотивната разделба на Ливерпул од легендарникот Клоп ги остави навивачите на Енфилд долго после завршувањето на последниот натпревар на германецот на чело на Ливерпул. Публиката и играчите со солзи го испратија Клоп.
Манчестер сити е шампион на Англија во сезоната 2023/24.
Во натпреварот од 38. коло „Граѓаните“ на домашен терен го победија Вест Хем (3:1). Двоен стрелец беше Фил Фоден. Играчот од средниот ред погоди во 2. и 18. минута. Родри постигна уште еден гол од додавањето на Фоден во 59. минута.
Стрелец на единствениот гол за гостите беше Мохамед Кудус (42. минута).
Манчестер сити заврши на првото место во Премиер лигата со 91 бод пред Арсенал кој собра 89. Тимот на Пеп Гвардиола ја освои шампионската титула четврти пат во низа. Покрај тоа, ова е шеста титула за Гвардиола во Премиер лигата.
Вкупно Манчестер сити има 10 трофеи. По бројот на шампионски титули, пред Сити се само Арсенал (13), Ливерпул (19) и Манчестер јунајтед (20).
Вест Хем ја заврши сезоната на деветтото место на првенствената табела.
Ј. Ѓ.
