Владата на Србија на 22 ноември му го одзеде имунитетот на министерот за градежништво во оставка, Горан Весиќ, по што му беше одредена мерка притвор, јави дописникот на МИА од Белград.
Весиќ беше уапсен на 21 ноември-четврток со уште 11 лица поради трагедијата на железничката станица во Нови Сад, кога при уривање на настрешницата загинаа 15 лица.
Високиот суд во Нови Сад на 23 ноември им одреди притвор до 30 дена на Весиќ и на поранешниот директор на Инфраструктурата на железници на Србија, Небојша Шурлан, додека на в.д. директката на Инфраструктурата на железници на Србија и поранешна министерка за земјоделие Јелена Танасковиќ и на помошникот – министер за железници, Анита Димовска им беше одреден домашен притвор со електронски надзор.
Тие се приведени поради вознемирување на јавноста, а се сомничат за сторено кривично дело Тешко дело против општата сигурност во врска со кривичното дело предизвикување општа опасност.
