Швајцарската сноубордерка Софи Хедигер, која има два подиуми во Светскиот куп и се натпреваруваше на Олимпијадата во 2022 година, загина во лавина во понеделникот во Ароса, источна Швајцарија, соопшти Швајцарската скијачка федерација.
Хедигер, која беше членка на националниот тим за сноубордкрос, на 14 декември го прослави својот 26 роденден.
Таа ги освои првите два подиуми во Светскиот куп минатата зима, а најдобар резултат и беше второто место во Сент Мориц во јануари годинава на генералната проба за Светското првенство 2025 година. Настапи и на Олимписките игри во Пекинг во 2022 година.
Во понеделникот, полицијата во кантонот Граубинден објави дека сноубордерка загинала во лавина додека била надвор од патеката со друго лице. Нејзиниот идентитет тогаш не беше објавен.
