Бомба погоди автобус кој денеска превезуваше деца до училиште управуван од армијата во југозападен Пакистан, при што загинаа пет лица, вклучително и три деца, а десетици други се повредени, соопштија официјални лица.
Експлозијата беше насочена кон возило во градот Хуздар, во провинцијата Балуџистан, додека ги превезуваше учениците на час, изјави локалниот претставник Јасир Дашти, пренесе ДПА.
Меѓу загинатите се три деца и двајца возрасни, се вели во соопштението на армијата. Здравствените власти стравуваат дека бројот на загинати може да се зголеми, бидејќи многу од 38-те повредени деца се во критична состојба.
Балуџистанската ослободителна армија (БЛА), бунтовничка група која се бори за независност на регионот од Пакистан, потврди дека го таргетирала автобусот, но рече дека тој превезувал војници.
Насилството организирано од бунтовниците е зголемено во Балучистан, регион кој граничи и со Авганистан и со Иран, и е центар на кинески инвестиции и проекти за поврзување.
Десетици луѓе беа убиени во март кога милитантите на БЛА киднапираа автобус кој превезуваше војници и нивните семејства за време на муслиманскиот празник Курбан Бајрам.
