Официјален претставник на Хезболах денеска изјави дека групата со седиште во Либан нема да започне едностран напад врз Израел во поддршка на Техеран.
-Хезболах нема да започне свој напад врз Израел како одмазда за израелските напади, рече функционерот.
Хезболах го осуди израелскиот напад врз Иран во соопштение, нарекувајќи го „опасна ескалација од страна на непријател кој го разбира само јазикот на убивање, оган и уништување“.
Израел започна напади низ Иран преку ноќ, а неговите власти изјавија дека тие го таргетираат „срцето“ на нуклеарната програма на Иран.
