Папата Лав Четиринаесетти на своето прво патување во странство ќе ги посети Турција и Либан.
Поглаварот на Римокатоличката црква утре ќе ја посети Турција, каде ќе бидат одбележани 1700 години од првиот екуменски собир во Никеја и ќе има заедничка молитва во вселенскиот патријарх Вартоломеј во Изник, а предвидено е и потпишување на заедничка декларација.
Посетата на Турција има и дипломатско значење во зајакнувањето на односите меѓу католичката и православната црква.
Папата Лав во Либан ќе им пружи поддршка на локалната христијанска заедница и на сите Либанци погодени од експлозијата во пристаништето Бејрут во 2020 година. За време на посетата, планирана е молитва на местото на експлозијата и средби со млади луѓе.
Папата Лав, како што е најавено, во Турција говорот ќе го одржи на англиски јазик, а во Либан на англиски и француски јазик.
Тој нема да го посети јужен Либан, каде дејствува Хезболах, поради безбедносни причини.
Патувањето ќе трае од 27 ноември до 2 декември, а ќе вклучува и дипломатски средби со локалните и регионалните лидери.
Се очекува папата да одржи прес-конференција во авионот по враќањето во Рим на 2 декември.
