Во Основниот суд во Штип во 10.30 е закажан почетокот на судењето на двајцата штипјани П.А.(23) и С.А.(26), кои според објавеното видео пред неполн месец, претепаа 21-годишна девојка во влез на зграда.
Основното јавно обвинителство од Штип ги обвини за делото „Насилство“, а двајцата се во притвор во кумановскиот затвор.
Според најавите, можно е денеска воопшто и да не се одржи судењето, бидејќи бранителите на обвинитите не успеале да остварат контакт со своите клиенти. Двајата беа во изолација во притворот поради короно вирусот и не им беа дозволени никакви контакти.
