Претседателот на Европската агенција за лекови (ЕМА) денеска најави дека лекот ремдесивир наскоро би можел да се најде во употреба во државите членки на ЕУ поради лекување на пациентите заразени од корона вирус.
„Постои можност условното одобрување да биде одобрено во наредните денови“, рече директорот на ЕМА Гвидо Раса во текот на сослушувањето во Европскиот парламент во Брисел.
Ројтерс потсетува дека оваа најава доаѓа во момент додека САД се уште не издале дозвола за употреба на ремдесивир што го произведува американската фармацевтска компанија Гилеад.
Условно одобрување
Американските власти претходно предизвикаа кавга внатре во ЕУ со примена на агресивна тактика во трката за набавка на лекот со кој требаше да се третираат болните од корона вирус.
Условното одобрување за употреба на ремдесивир на ниво на ЕУ би се овозможило таквиот лек да може да се продава во државите членки и пред да се соберат сите потребни податоци за неговата делотворност и пропратните појави.
ЕУ сега забрзано оди кон наредната фаза во постапката на одобрување на лекот како онаа која може да се примени и во САД поради пласман на пазарот без чекање на резултатите од сите пропишани тестирања.
