Првично најавија дека ќе кандидираат и ќе бираaт прв премиер Албанец на Северна Македонија, а потоа ги повикаа јавно сите други албански партии да им се придружат на оваа кауза и да ги поддржат во реализација на “сонот”. Но сите албански партии, Движењето Беса, Алијансата за Албанците, Алтернатива и ДПА, одбија како што рекоа да влезат во игрите на ДУИ и предизборната измама на албанскиот електорат.
Од сите други албански партии обвинуваа дека ДУИ не е искрена во намерата туку сака само да придобива некој глас повеќе со фолклорна реторика. Но партијата на Ахмети сè уште нема име за кандидат за премиер.
Откако ги одбија сите албански партии, денеска ДУИ излезе со повик за академските кругови, да им се придружат и да помагаат во изборот на мандатарот.
“Додека целиме еден консензуален премиер албанец, ние со задоволство ги повикуваме академците, ректорите, професорите, невладините организации, не само да ја поддржат каузата, туку и да дискутираме и да се договориме за идеалниот кандидат за оваа позиција, која е најважна позиција во државата”, изјави Фиснике Бектеши Шаќири од ДУИ.
Арбен Зеќири
