коментира: ЈАНЕ ЃОРЃИОСКИ
Вчера членовите на Државната изборна комисијата отфрлија 1.478 приговори од вкупно 1.982 поднесени од Левица, бидејќи немале потпис од овластено лице.
Три четвртини од приговорите поднесени од партијата Левица, немале потпис и/или печат
Не стивнуваат реакциите на социјалните мрежи после поднесените приговори од страна на Левица, а уште повеќе после отфрлените приговори од страна на ДИК.
Апасиев, откако беше на силен потсмев на социјалните мрежи зашто од неговата партија заборавиле да стават потпис или печат на приговорите до ДИК, се пофали на социјалните мрежи дека намерно не ставиле печат и, како што вели, ја насанкал ДИК и дека тоа било урбана герила.
„ФИЛИБАСТЕРИНГ се прави без печат!“
(Прва јакобинска заповед)
p.s. Утре следуваат тужбите до Управен суд. Али, со печат, пишува Апасиев на Фејсбук и на Твитер.
Колку е тоа начин на борба, или итрина, а колку е неспособен обид на докторот по право Апасиев да ја амортизира глупоста со одолговлекување на зокружувањето на изборниот процес, може да се прочита од одговорот на извесен @Phoeniks кон апасиевиот твит „филибастеринг“.
Утепа ли се Апасиев ??? pic.twitter.com/Kq2BuYmDfS
— Илузиониста (@Elilusionista25) July 20, 2020
„Професоре, Управен ќе одлучува само за содржината од Решението за отфрлање, нема да ја разгледува главната работа, ако утврди дека ДИК законски ви ги отфрлил зашто не сте имале потпис и печат. Управен е надлежен за Решенијата од ДИК, дали се законски. Толку, се вели во твитот.
Утепа ли се Апасиев?!“, се прашува @Илузиониста
Целата оваа ситуација потсетува на многу „филибастери“ на кои сме биле сведоци, но некако најблиску и по струката и по начинот, Апасиев и неговото однесување потсетува на она од Тодор Петров во еден одамнешен парламент, кога Петров беше пратеник кој поднесуваше најмногу амандмани.
И Тодор Петров и Димче Апасиев се против сите договори и закони кои ја внесоа земјата во НАТО и ја приближуваат кон ЕУ. И едниот и другиот се профилираат себеси како „правни експерти“, Апасиев и не пропуштил прилика да се накити и со професорската и докторска титула. И едниот и другиот се против Преспанскиот договор, против договорот со Бугарија и силно се противат и против законот за јазиците, а двајцата користат и слична реторика во одбрана на своите ставови.
Ќе заврши ли „левичарот“ Апасиев со своите екстремно десни ставови, како сега веќе маргинализираниот радикален десничар Тодор Петров?
