„Јас верувам дека ќе го имаме најдоброто наше издание, дека без оглед на проблемите, како тим ќе настапите и убеден сум во тоа. Ова ќе биде меч во кој ќе уживаме, но истовремено е и најважен меч. Овој прв меч е специфичен, зашто само победа игра за двете селекции во трката за Евро 2020. Верувам дека на крај ние ќе се радуваме. Словенија се победува со максимална борбеност, со наше најдобро издание, зашто само така во денешниот фудбал може да се спротивставиме со селекции на наше рамниште“, констатира Ангеловски.
Ангеловски, го враќа Кристијан Тошевски во селекцијата, а на списокот го има и Енис Барди, иако неговиот настап е незивесен ради повреда.
„Дарко Велковски не е во состојба да се стави на располагање, се враќаат Кристијан Тпшевски и Стефан Ристовски, додека за првиот меч ќе го немаме на располагање и Егзон Бејтулаи. Што се однесува до Барди, ја знаете дека секојпат сум оптимист и до последен момент ги чекам повредените. И овојпат ќе го чекаме Барди последните наоди за да ги видиме сите детали од прегледите. Првите најави не се оптимистички, но знаете дека јас до последен момент ќе го чекам“, вели Ангеловски.
Собирот на репрезентацијата е на 7 октомври во понеделник во хотел „Гранд Плаза“ во 12 часот, а првиот тренинг е од 18 часот на тренинг-центарот „Петар Милошевски“, каде во следните два дена ќе се тренира од 11 часот.
извор: МИА
Discussion about this post