На 10 декември – Меѓународниот ден на човековите права, во Музејот на Град Скопје, од 17:30 до 23 часот, ќе се одржи финалната вечер на овогодинешното издание на Фестивалот на слободата, со кој ЦИВИЛ воедно прославува и 20 години од постоењето, соопшти организацијата.
Последната фестивалска вечер вклучува богата мултимедијална програма: настап на авангардните Фолтин, ДЈ сетовите на Соња Исмаил, Марга Сол, ДЈ Дино, активистички филм-фест на успешни стории што го менуваат светот, изложба на фотографии и уметнички дела, поетско – сценски перформанси и други изненадувања.
Сите граѓанки и граѓани се добредојдени да го одбележиме заедно јубилејот и да испратиме силна порака за почитување на човековите права, секаде и без исклучок, повикуваат организаторите. Влезот за сите посетители е бесплатен.
