Бизнисменот Орце Камчев, кој денеска тврдише дека истрагата „Империја“ била конструирана за да го рекетираат Бојан Јовановски-Боки 13 и Катица Јанева, тој кажа како се охрабрил случајот да го пријави лично кај премиерот Зоран Заев, пренесе СДК.МК.
Откако претходно кажа дека случајот најпрвин го пријавил не во УБК, туку кај тогашниот директор Горан Николовски, на кого му кажал дека ќе го снима давањето милион евра на Бојан Јовановски, Камчев рече:
„Се јавив директно кај премиерот Заев. Побарав да ме прими во неговиот кабинет, отидов и раскажав какви снимки имам, како ме рекетираат Јовановски и Јанева. Ме ислуша. Човекот беше запрепастен. Ми рече ‘остави ме два дена, шокиран сум‘. По два дена се јави и ми кажа сѐ што имам да пријавам и да однесам кај обвинителката за организиран криминал Вилма Рускоска“, рече Камчев.
