Долгогодишната борба за пристоен живот на стечајците, почна институционално да се решава, со тоа што е воведена мерка со која 12.000 стечајци до пензионирање, ќе добиваат по 8.200 денари месечно.
Со ова, сметаат од партијата на власт дека се исправа децениска неправда.
СДСМ преку конкретни и вистински мерки и реформи покажува што значи вистинска грижа за сите граѓани. Времето на поделби, дискриминации и маргинализирање на граѓани заврши со заминувањето на ВМРО-ДПМНЕ во опозиција – велат од СДСМ.
Со оваа мерка се исправа долгогодишната неправда кон сограѓаните, кои не по своја вина, ниту волја , останале без работа и без месечни примања.
Инаку новиот закон за материјално обезбедување на невработените лица поради приватизацијата на претпријатијата со доминантна сопственост на државата или „стечајци“ овозможи право на надомест од државата да остварат уште околу 1.600 стечајни работници.
Со последните измени материјално се обезбедија лицата кои со претходните законски решенија имале возраст помалку од 52 години за жена, односно 55 години за маж, како и лица на кои им престанал работниот однос во периодот од 1 јануари 1993 година до 30 јуни 2019 година.
Со претходните две законски решенија право на надомест остварија околу 10.000 граѓани, а со најновото уште 1.600. Со претходниот закон пак, донесен во време на поранешната власт такво право оствариле 4.700 граѓани.
