Ги известуваме родителите на учениците од основните училишта на територијата на Општина Аеродром дека е изнајдено решение и учениците од среда, 29.1.2020 година, ќе почнат да добиваат топол оброк.
Градоначалникот Златко Марин се сретна со директорот одговорен за спроведување на набавката за исхрана на сите училишта, кој го извести дека е избрана фирма за подготовка на топол оброк за учениците, соопштуваат од Општина Аеродром.
„Инаку, претходно од Управата за јавни приходи е добиено известување дека данокот оваа година ќе изнесува 18 отсто, за разлика од минатата година, кога родителите плаќаа по 5 отсто, така што цената за топол оброк ќе биде зголемена.
Со цел да им се излезе во пресрет на родителите, градоначалникот Марин донесе одлука разликата во цената да се субвенционира од општинскиот буџет за 2020 година и тие и оваа година ќе плаќаат иста сума како и минатата година, односно 1 500 денари месечно.“, информираат од Општина Аеродром
