Димитрoв: Од денес сме 30. земја членка на НАТО, признание и благодарност до македонските граѓани. Во понеделник на 30 март ќе има церемонија на која ќе се подигне македонското знаме пред седиштето на НАТО во Брисел и во командата во Норфолк, рече минстерот за надворешни работи Никола Димитров, на прес-конференција заедно со амбасадорката на САД Кејт Брнз. „Од денес од овој момент сме 30. земја членка на НАТО, сакам да оддадам признание и благодарност до сите вас, до сите македонски граѓани, да го честитам овој голем успех“, рече Димитров.
Шекеринска: Денес нашата генерација ја запиша својата прва историска победа, 27 март е датум кој ќе влезе во учебниците на нашата историја. „Со финалното депонирање на Североатлантскиот договор во Вашингтон, денес станавме 30та, полноправна земја членка на најмоќниот воено-политички сојуз на денешнината. Нека ни е честит! Денешниов ден го чекавме речиси 30 години. Но, покажавме дека со посветена работа и невозможното станува возможно. Велеа, не можеме да ги решиме проблемите со соседите, да го вратиме назад урнисаниот систем.
Филипче: Здравствениот систем е во целосно добра кондиција. Филипче појасни дека работата на клиниките и болниците е реорганизирана и оти функционира системот на ротација. Лекарски експертски тим, според министерот за здравство, секојдневно консултира стручна литература и публикации и гледа кои се опциите, начините што може да се аплицираат кај нашите пациентите со корона вирусот, но има и секојдневни контакти со наши лекари Македонци во Италија.
Влада: Земјите од регионот и ЕУ договорија зелени коридори за олеснување на транспортот и трговијата на примарни производи.
Бислимоски: Воведување на евтина тарифа за струја во текот на целиот ден е неизводливо од економски аспект.-Нашата анализа покажува дека доколку се воведе евтина тарифа за електрична енергија во текот на целиот ден за едно просечно семејство трошоците би се намалиле за 400 денари на месечно ниво, а вкупниот трошок за воведувањето на евтина тарифа би изенесувал 5,5 милиони евра месечно, прецизира Бислимоски.
Понуда Побарувачка – Апликација за онлајн тргување со земјоделски производи и добиток. „Оние кои не се во можност да користат интернет, треба телефонски да комуницираат со подрачната единица на МЗШВ или АПРЗ, а пазарниот репортер во нивно име ќе пополни образец и ќе ја објави понудата/побарувачката во системот“, соопштија од МЗВШ.
Владанка Димковска: Едно поинакво одбележување на Светскиот ден на театарот.
