Во хотелите „Попова Шапка” и „Славија” на Попова Шапка, кои се во сопственост на АД ЕСМ, во државен карантин поради корона вирусот сместени се 154 лица.
Сместувањето, како што информираат од АД ЕСМ, е извршено во текот на вчерашниот и денешниот ден, а граѓаните се вратени со два лета од Виена, Австрија и од Базел, Швајцарија.
-При приемот, лицата се контролирани и анкетирани од страна на медицинска екипа од Клиничкиот центар-Тетово, со постојано присуство и асистенција на МВР. Дистрибуцијата на храна, вода и средства за хигиена до собите се извршува од страна на вработените во „Елемтурс”, според пропишаните процедури и протоколи, велат од АД ЕСМ.
