Сузане Хојлаертс (90) од Бинком во Белгија пред две недели почнала да чувствува тешкотии при дишењето. Изгубила и апетит. Завршила во болница, а потоа починала од Ковид -19.
На Белгијката состојбата ѝ се влошила, откако ја примиле во болница.
„Госпоѓо, сега ќе ве ставиме на респиратор, тој ќе ви пумпа воздух во белите дробови за да ви биде полесно“, ѝ рекле лекарите.
Но госпоѓата Хојлаертс не сакала да слушне за тоа.
„Не, никако, не го сакам тоа, чувајте го за некој помлад, јас имав добар живот“, им одговорила.
Починала два дена подоцна.
„Не можев да се простам од неа. Не можев да ја видам и слушнам. Не можам да и одам ниту на погреб“, очајна е нејзината ќерка Џудит.
